E mārama ana ki a mātou ngā momo wero kei mua i te tangata mehemea ko te reo Ingarihi tōna reo tuarua.  Ahakoa ka whakaakona ā mātou akoranga ki te reo Ingarihi, me Ingarihi hoki te reo o ngā aromatawai katoa, arā ētahi kōwhiringa hei āwhina kia eke panuku ai koe i roto i ā mātou akoranga, kaupapa hoki.

Ngā Kaiwhakamāori Whai Mana

Mō te hunga hiahia i te āwhina whaiaro, he rārangi ā mātou o ngā kaiwhakamāori whai mana e wātea ana ki te āwhina i a koe i te akoranga. E taea ai e ēnei ngaio whai pūkenga te whakawhitiwhiti mai i tēnā reo, ki tēnā reo hei mātua whakarite kua mārama i a koe ngā kōrero. Ka kitea te rārangi o ngā kaiwhakamāori whai mana i https://www.nzta.govt.nz/driver-licences/new-residents-and-visitors/approved-translators/

Ngā akoranga tuihono

E taea ai ā mātou akoranga tuihono te whakawhiti ki te 36 reo.  Mehemea e wātea ana he akoranga tuihono, e taea ai ēnei hei akoranga kē ki ā mātou akoranga ā-akomanga.  E taea ai hoki te whakamahi ngā mahi tuihono hei tautoko i ngā akoranga ā-akomanga hei kōwhiringa hoki māu ki te ako i ngā kōrero i mua i te taenga ki te akoranga ā-akomanga.

Karawhiua i konei

E taea ai te haere ki ā mātou akoranga ā-akomanga kia kite he pēhea ki a koe.  Me mōhio hoki koe ka whai tā mātou tīma i te wātaka. Ki te kore e taea ngā aromatawai te whakatutuki i roto i te wā tika, ka haere tonu te akoranga ki te kōwae whai muri mai.  Ki te whai wā wātea i roto i ngā mahi o te rā e āwhina tā mātou tīma i a koe ki te whakatutuki i ngā wāhanga o te akoranga kāore anō kia tutuki i a koe, heoi anō, ka pau ana te wā, ka mate koe ki te rēhita ki tētahi akoranga anō me tōna utu tāpiri.

Whakapiri mai ki a mātou i TR Driver Training kia manaakitia ai koe i te taiao ako whai tautoko, whai wāhi hoki.